Հայաստանում ոռոգման ջրի ընդամենը 79 հաշվիչ կա, մինչդեռ 2100-ն է պետք։ Այս մասին հունիսի 27-ին հայտնել է Էներգետիկ ենթակառուցվածքների ու բնական ռեսուրսների նախարարության ջրային տնտեսության պետկոմիտեի ղեկավար Արսեն Հարությունյանը, 2016-ի պետբյուջեի կատարման քննարկման ժամանակ։
Ոռոգման ցանցի հանգուցային կետերում հաշվիչների տեղադրումը կօգնի ավելի լավ հաշվի առնել ոռոգման ջրի կորուստները՝ ըստ բաժանորդների, հավելեց նա։
Դրանք ձեռքբերելու համար Պետկոմիտեն դիմել է դոնորական կազմակերպությունների։