Ֆիլիպինյան Մարավի քաղաքի խաղաղ բնակիչներն արդեն մի քանի ամիս ահաբեկիչների կողմից պաշարված են, նրանք ստիպված են լքել իրենց տները, զենք վերցնել ձեռքները կառավարական ուժերի դեմ ու նրանց օգտագործում են որպես սեքս ստրուկներ։ Այս մասին հայտնում է Reuters-ը՝ վկայակոչելով ֆիլիպինյան բանակի ներկայացուցչին։
ՀԻմք ընդունելով Մարավիից փախած բնակիչների ցուցմունքները, զինվորականը պատմել է, որ որոշ բնակիչներ ստիպված են ընդունել իսլամ ու ամուսնանալ ԻՊ-ին միացած Մաուտե խմբավորման զինյալների հետ։ Սպանված բնակիչների մարմինները երբեմն շաբաթներով թողնում են փողոցներում։ Բնակիչների մեծ մասը վախեցած է կառավարական ուժերի ավիահարվածներից, որոնք քաղաքը փլատակների են վերածել։
Ֆիլիպինների նախագահ Ռոդրիգո Դուտերտեն հայտնել է , որ խորապես մտահոգված է իրավիճակով ու խոստացել է վերականգնել քաղաքը։ Նրա խոսքով Մաուտե զինյալների շարքերում են նաեւ իր զարմինները, դրա համար էլ ինքը արդարացված է համարում ռազմական դրություն հայտարարելը, քանի որ գիտի, թե ինչի են ունակ ահաբեկիչները։