ՀՀ տրանսպորտի, կապի եւ տեղեկատվական տեխնոլոգիաների նախարարությունը տեղեկացնում է, որ հուլիսի 14-ին` ժամը 08:00-ի դրությամբ, Սեւան-Մարտունի-Գետափ ավտոճանապարհի 118-րդ կմ հատվածում նախօրեին տեղի ունեցած ջրատարի խողովակի վթարը վերացվել է, ավտոճանապարհը դարձել է երկկողմանի երթեւեկելի:
Ավելի վաղ NEWS.am-ը հայտնել էր, որ Գետափ-Մարտունի ճանապարհը միակողմանի փակ է: Այս առնչությամբ, Հայաստանի ԱԻՆ-ի տարածած հաղորդագրության մեջ ասվում էր. «ՀՀ արտակարգ իրավիճակների նախարարությունը տեղեկացնում է, որ հուլիսի 12-ին ժամը 11:30-ի դրությամբ ՀՀ տարածքում բոլոր ավտոճանապարհներն անցանելի են:
Մ-10 ավտոճանապարհի Գետափ-Մարտունի ավտոճանապարհի 6-րդ կմ-ին հարակից ՋԷԿ-ը սնուցող ջրատար խողովակից տեղի է ունեցել ջրի արտահոսք, ինչի հետեւանքով ավտոճանապարհի ասֆալտի շերտը (մոտ 20 մ երկարությամբ) վնասվել է, ճանապարհը դարձել է միակողմանի երթեւեկելի»:
