Շաբաթ Թեհրանի մետրոյի կայարաններից մեկում առնվազն 15 մարդ վիրավորում է ստացել հոգեւորականի վրա դանակով զինված հանցագործի հարձակվելու հետեւանքով, հայտնում է Mehr գործակալությունը:
Միջադեպը տեղի է ունեցել Թեհրանի մետրոյի մերձքաղաքային` Ռեյ քաղաքի կայարանում: Անհայտ անձը հարձակվել է հոգեւորականի վրա, որից հետո մոտակայքում գտնվող ուղեւորները միջամտել են վեճին: Ոստիկանները հարկադրված էին հարձակվողին բռելու համար կրակել: Արդյունքում առնվազն 15 մարդ դանակի եւ հրազենային վիրավորումներ են ստացել: