Մինսկում Բելառուսի ԱԳ նախարար Վլադիմիր Մաքեյի նախագահությամբ մեկնարկել է ՀԱՊԿ անդամ երկրների արտաքին գործերի նախարարների խորհրդի նիստը։ Նիստին մասնակցում է նաեւ ՀԱՊԿ գլխավոր քարտուղար Յուրի Խաչատուրովը։

Արտաքին գերատեսչությունների ղեկավարները կքննարկեն միջազգային եւ տարածաշրջանային անվտանգության արդիական խնդիրներն ու միջազգային ասպարեզում ՀԱՊԿ անդամ երկրների փոխգործակցության հարցեր։

Քննարկման օրակարգում են 2017 թվականի համատեղ հայտարարությունները, ՀԱՊԿ-ի ԱԳ նախարարների խորհրդի նիստին առընթեր Աֆղանստանի հարցերի աշխատանքային խմբի դրույթներում փոփոխությունները։ Քննարկումներ կլինեն նաեւ 2017 թվականի երկրորդ ու 2018 թվականի առաջին կիսամյակում ՀԱՊԿ անդամ երկրների խորհրդակցությունների ծրագրի շուրջ՝ արտաքին քաղաքականության, անվտանգության, պաշտպանության հարցերի վերաբերյալ։ Քննարկումից հետո փաստաթղթեր կստորագրվեն։

Քննարկման օրակարգում կլինի նաեւ զինանշանի հարցը։ Ընդհանուր առմամբ, քննարկման օրակարգում 7 հարց է ներառված։