ԱՄԷ-ն պատասխանատվություն չի կրում կատարական կայքերը կոտրելու համար, ինչը ճգնաժամի պատճառ էր դարձել Դոհայի ու արաբական հարեւանների հարաբերություններում։ Այս մասին հայտնել է ԱՄԷ ԱԳՆ ղեկավար Անվար Գարգաշը՝ հերքելով Washington Post-ում համապատասխան հրապարակումը։
Նա նաեւ հայտնել է, որ Սաուդյան Արաբիան, Բահրեյնը, ԱՄԷ-ն ու Եգիպտոսը Դոհայի դեմ լրացուցիչ պատժամիջոցներ են սահմանելու։
Ընդ որում, ԱՄԷ-ն չի գնա իրավիճակի էսկալացիայի՝ ընկերություններին ստիպելով ընտրություն կատարել Կատարի ու իրենց միջեւ, ասել է Գարգաշը։ ԱՄԷ ԱԳ նախարարը, որը առաջարկել է իրականացնել Կատարի միջազգայի մշտադիտարկումը՝ հավելել է, որ Քուվեյթի հովանու ներքո հանդիպումներ անցկացնելու ծրագրեր չկան։ «Չափից վաղ է հանդիպումների մասին խոսելու համար»,- ասել է նա։