Ստամբուլում ուժգին հեղեղը հանգեցրել է մետրոյի մի քանի կայարանների ջրով ողողվելուն, քաղաքի շատ շրջաններում ավտոմեքենաների երթեւեկությունը կաթվածահարվել է, հայտնում է NTV-ն:
Որոշ փողոցներ ամբողջությամբ ջրով են ծածկվել, քաղաքի բնակիչները ստիպված են դրանցով լողալով անցնել: Ստորգետնյա կայանատեղիները, թունելները եւ շենքերի ցածր հարկերը ջրածածկ են: Հասարակական տրանսպորտը ընդհատումներով է աշխատում:
Արտակարգ իրավիճակների դեպարտամենտի համակարգող կենտրոնը նախազգուշացրել է սողանքների վտանգի մասին: Օդերեւութաբանները եւս զգուշացնում են Մարմարայի ծովի եւ Ֆրակիայի (Թուրքիայի եվրոպական հատվածը) ամբողջ շրջանում անձրեւի ուժգնացման մասին: