Apple ընկերությունը արտոնագրել է մատնահետքերի սքաների միջոցով արտակարգ ծառայություններին կանչելու հնարավորությունը, հայտնում է CNN-ը՝ վկայակոչելով ԱՄՆ արտոնագրերի եւ ապրանքանշանների գերատեսչությանը (USPTO):
IT հսկայի սմարթֆոնների օգտատերերը կկարողանան արտակարգ ծառայությունների հեռախոսահամարը հավաքել սարքը ծրագրավորելով մատների հպման որոշակի կարգով: Մշակողների կարծիքով՝ այս գործառույթը օգտատերերին կօգնի արտակարգ իրավիճակում աննկատ կապվել ոստիկանության կամ այլ ծառայությունների ներկայացուցիչների հետ, «երբ ավանդական մեթոդները ոչ գործնական կլինեն»:
Օգտատերը կարող է էլեկտրոնային սարքը ծրագրավորել մատների որոշակի հերթագայությամբ, օրինակ՝ ճկույթ-միջնամատ-ճկույթ, որպես արտակարգ կանչի հրաման:
Այս գործառույթի օգնությամբ նաեւ հնարավոր է հայտնել սեփական տեղադրության մասին կամ իրադարձությունների վայրից ուղիղ ձայնա/տեսաեթեր սկսել: