Կանադացի գեներալ –նահանգապետ Դեւիդ Ջոնսոնը, խախտելով ոչ պաշտոնական նորմը, դիպել է Եղիսաբեթ 2-րդին, հայտնում է CNN-ը։
Միջադեպը տեղի է ունեցել Լոնդոնում՝ թագուհին աստիճաններով իջնում էր Ջոնսթոնի հետ միասին, ու նա թեթեւակիորեն բռնել է թագուհու արմունկը։ «Մի քիչ անհարմար էր, երբ մենք իջնում էին Կանադական տնից Թրաֆալգարյան հրապարակ։ Այնտեղ գորգ կար, այն մի քիչ սահում էր ու ես կարծեցի, գուցե արժե խախտել արձանագրությունը»,- պատմել է գեներալ նահանգապետը։ Նրա խոսքով, ինքը չէր ուզում, որ Եղիսաբեթ 2-րդը սայթաքի։
Մեծ Բրիտանիայի թագավորական կայքում չկա հիշատակում այն մասին, կարելի է արդյոք դիպչել թագուհուն, սակայն յուրաքանչյուր նման դեպքը քննարկվում է հասարակությունում ու լրատվամիջոցներում։