Մոլդովայի խորհրդարանը հաստատել է երկրի տարածքից ռուսական զորքերի դուրսբերման մասին հռչակագիրը: Այս մասին հաղորդում է Sputnik-Մոլդովան:
«Երկրի տարածքից ռուսական զորքերի դուրսբերման մասին հռչակագիրը հաստատվել է 61 պատգամավորի «կողմ» ձայնով: Սա քաղաքական որոշում է: Փաստաթուղթն ուժի մեջ կմտնի հաստատման պահից եւ կհրապարակվի կառավարության պաշտոնական թերթում»,- ասել է խորհրդարանի խոսնակ Անդրիան Կանդուն:
Նշվում է, որ սոցիալիստների խմբակցության պատգամավորները քվեարկության ժամանակ լքել են նիստերի դահլիճը՝ ի նշան բողոքի: