Լիբանանյան «Հըզբոլահ» շարժման զինյալները հրթիռակոծել են «Ջեբհաթ ան Նուսրա» ահաբեկիչների կուտակման վայրերն ու մատակարարման ուղիները՝ լիբանանա- սիրիական սահմանին գտնվող Էրսալ լեռնային տեղանքում, հայտնել է ՌԻԱ Նովոստին։
«Փոքր հեռահարության ծանր հրթիռներն արձակվել են «Ջեբհաթ ան Նուսրայի» ահաբեկիչների մատակարարման ուղիների ու կուտակման վայրերի վրա՝ պատճառելով մեծ ավերածություններ ու ոչնչացնելով մեծ քանակության ահաբեկիչների»,- պատմել է գործակալության զրուցակիցը։
«Սիրիական ՌՕՈՒ օդանավերը հարվածներ են հասցրել «Ջեբհաթ ան Նուսրայի» դիրքերին՝ Ֆլիթա լեռնային տեղանքում (Սիրիայի տարածքում), որը սահմանակից է Էրսալ լեռնային շրջանին»,- հավելել է աղբյուրը։
Աղբյուրի խոսքով «Հըզբոլահի» զինյալներին հաջողվել է իրենց հսկողության տակ վերցնել Սիրիայի հետ սահմանակից չորս շրջան՝ Էրսալից հարավ։