Հայաստանի ԱԻՆ-ում, հուլիսի 23-ին, ժամը 17:47-ին տեղեկություն է ստացվել, որ Արագածոտնի մարզի Արագած գյուղից դեպի Արագած լեռ բարձրացող ավտոճանապարհին տեղի է ունեցել ավտովթար, կա 1 տուժած. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Արագած-Արագած լեռ դաշտամիջյան ավտոճանապարհի 10-րդ կմ-ին «ՈՒԱԶ» մակնիշի 08 UL 011 պետհամարանիշով ավտոմեքենան (վարորդ՝ 1975 թ. ծնված Կ. Ա.) դուրս է եկել ճանապարհի երթեւեկելի հատվածից եւ գլորվել ձորը, ինչի հետեւանքով ուղեւոր՝ 1991 թ. ծնված Ա. Մ.-ն, ստացել է մարմնական վնասվածք եւ տեղի ուժերով տեղափոխվել Երեւան քաղաքի «Արմենիա» ԲԿ: Բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենան, որը ճանապարհի երթեւեկելի հատված դուրս բերելու համար հարկավոր է հատուկ տեխնիկա: