Արգենտինայում չորս նախկին դաշնային դատավորներ ցմահ ազատազրկման են դատապարտվել՝ վերջին բռնապետության օրոք մարդկության դեմ հանցագործությունների համար, փոխանցում է AP-ն։
Մենդոսա նահանգի դատարանը վճռել է, որ նախկին դատավորներ Ռոլանդո Կարիզոն, Գիլյերմո Պետրա Ռեկաբարենը, Լյուիս Միրեթն ու Օթիլիո Ռոմանոն մասնակցել են առեւանգումներին, կտտանքներին ու սպանություններին։
Նրանք դատապարտվել են այլախոհների հարազատների միջնորդությունները հետաքննել չկարողանալու համար, որոնք անհետացել են 1976-1983 թվականների բռնապետության տարիներին։ Մեղադրող կողմը պնդել է, որ նրանց անգործությանը նախորդել է ավելի քան 20 այլախոհի անհետացումը։