Մամուլի ասուլիսի ժամանակ անսպասելի զանգին ԵՀ նախագահ Ժան Կլոդ Յունկերի արձագանքը առաջացրել է լրագրողների ծիծաղը, հայտնում է ՌԻԱ Նովոստին։
Հինգշաբթի Յունկերը, ԵՀ փոխնախագահ Մարոշ Շեֆչովիչը ու Սլովակիայի վարչապետ Ռոբերտ Ֆիցոն համատեղ մամուլի ասուլիս են տվել միգրացիոն հարցերի շուրջ, երբ հանկարծ ԵՀ ղեկավարը հեռախոսազանգ է ստացել։
Յունկերը չի պատասխանել հեռախոսին։ «Կներեք, կինս է»,- պարզաբանել է նա ու անջատել զանգը։ Բայց հետո նայելով էկրանին, քաղաքական գործիչը հասկացել է, զանգը կնոջից չէր։
«Տիկին Մերկելն էր»,- ասել է Յունկերը, առաջացնելով քաղաքական գործիչների ու լրագրողների ծիծաղը։
