Ամերիկացի ձեռնարկատեր Իլոն Մասքի ղեկավարած SpaceX տիեզերական ընկերության շուկայական արժեքը կազմում է 21 մլրդ դոլար: Քոնսալթինգային Equidate ֆիրմայի տվյալների մասին հայտնում է The New York Times-ը:
2015 թվականին մասնավոր ընկերության կապիտալիզացիան 11 մլրդ դոլար էր գնահատվում: SpaceX-ի գրեթե կրկնակի աճը կապվում է բազմակի օգտագործման տեխնոլոգիաների ներդրման եւ կոմերցիոն արձակումների շուկայի փաստացի նվաճման հետ, որը ներդրողների համար ընկերության գրավչությունը մեծացնում է:
Ըկերությունից հրաժարվել են մեկնաբանություններ տալ: Ներկայումս SpaceX-ի տրամադրության ներքո են Falcon 9 բազմակի օգտագործման հրթիռը եւ բեռնատար Dragon տիեզերանավը, ծրագրվում են գերծանր տանող եւ օդաչուավոր սարքի փորձարկումները: 2017 թվականի վերջին ընկերությանն է բաժին ընկել տիեզերական արձակումների համաշխարհային շուկայի 45 տոկոսը: