Փհենյանը դատապարտել է Հյուսիսային Կորեայի դեմ ՄԱԿ-ի սահմանած նոր պատժամիջոցները: Այստեղ կարծում են, որ կազմակերպությունը ոտնահարում է երկրի ինքնիշխանությունը, ինչի կապակցությամբ մտադիր են պատժամիջոցներին պատասխան գործողություններ ձեռնարկել, հաղորդում է Կորեայի կենտրոնական հեռագրական գործակալությունը:
Նշվում է, որ Փհենյանի միջուկային ծրագիրը բանակցությունների առարկա չի դառնա, քանի դեռ ԱՄՆ-ն թշնամական քաղաքականություն է վարում Հյուսիսային Կորեայի նկատմամբ:
«Ավելի մեծ սխալ չկա, քան ԱՄՆ-ի վստահությունն է այն հարցում, որ իր տարածքն անվտանգության մեջ է»,- նշված է Փհենյանի հայտարարությունում:
