Կոտայքի մարզի Կոտայք գյուղում այսօր՝ օգոստոսի 12-ին, վրաերթի հետեւանքով 38-ամյա քաղաքացի է մահացել: Ժամը 08:30-ի սահմանում Կոտայք գյուղում անհայտ մակնիշի եւ համարանիշի ավտոմեքենայի վարորդը գյուղի գլխավոր ճանապարհին վրաերթի է ենթարկել Կոտայքի մարզի Նոր Գյուղի բնակիչ 38-ամյա Զավեն Մկրտչյանին:
Shamshyan.com-ի փոխանցմամբ՝ պարզվել է, որ վրաերթը կատարել է Կոտայքի մարզի Զառ գյուղի 83-ամյա բնակիչ Աղվան Նավոյանը, ով ոստիկանների բացատրական աշխատանքի արդյունքում ինքնակամ ներկայացել է ոստիկանության Կոտայքի բաժին:
Փաստի առիթով Կոտայքի քննչական բաժնում հարուցվել է քրեական գործ՝ ՀՀ քր. օր-ի 242 հոդվածի 2-րդ մասի հատկանիշներով:
