Ճապոնիայի կայսեր ավագ թոռնուհին՝ արքայադուստր Մակոն եւ նրա զուգընկերը՝ Քեյ Կոմուրոն աշնան սկզբին կհայտարարեն նշանադրության մասին։ Japan Times-ի փոխանցմամբ՝ այս մասին հայտնել է կայսերական պալատի գործերով վարչությունը։ Նշանադրության մասին նախատեսվում է հայտարարել սեպտեմբերի 3-ին։
Կոմուրոն արքայադստեր նախկին համակուրսեցին է։ Նրանք միասին սովորել են Միջազգային քրիստոնեական համալսարանում, իսկ այժմ աշխատում է Տոկիոյի իրավաբանական ֆիրամներից մեկում։
Զույգը ցանկանում էր նշանադրության մասին հայտարարել հուլիսի 8-ին, սակայն որոշեց հետաձգել հորդառատ անձրեւների պատճառով։