Նախնական տվյալներով Իսպանիայի Բարսելոնա քաղաքում տեղի ունեցած միջադեպի հետևանքով տուժածների շրջանում ՀՀ քաղաքացիներ չկան: Այս մասին NEWS.am-ին հայտնում է Հայաստանի ԱԳՆ-ն` վկայակոչելով Իսպանիայում ՀՀ դեսպանությունը:
Հիշեցնենք, որ օգոստոսի 17-ին միկրոավտոբուսը մխրճվել էր մարդկանց բազմության մեջ Բարսելոնի կենտրոնում։ Ոստիկանություն տեղի ունեցածը համարում է աահաբեկչություն ու որոնում է վարորդին։ Վերջին տեղեկություններով՝ 13 մարդ է զոհվել։
«Իսլամական պետություն» ահաբեկչական խմբավորումը ստանձնել է տեղի ունեցած ահաբեկչության պատասխանատվությունը: