Կատալոնիայի իրավապահ մարմինները հաստատել են ավելի վաղ լրատվամիջոցների տարածած տեղեկությունը. ուրբաթ առավոտյան Իսպանիայում ահաբեկչություններին մասնակցության կասկածանքով երրորդ անձն է ձերբակալվել, փոխանցում է «ՌԻԱ Նովոստի»-ն։
«Ռիփոլում ոստիկանության գործողության շրջանակում երրորդ անձն է ձերբակալվել՝ Կամբրիլսում եւ Բարսելոնում ահաբեկչությունների հետ կապված»,-ասվում է հաղորդագրությունում։
Նախօրեին այդ քաղաքում եւս մեկ մարդ է ձերբակալվել՝ Դրիս Ուքաբիրը, որը ծնվել է Աֆրիկայի հյուսիսում՝ իսպանական Մելիլյա անկլավում։ Նա պնդում է, որ իրենից գողացել են փաստաթղթերը, որոնք հայտնաբերվել են բեռնատարում։ Ծագումով Մարոկկոյից մեկ մարդ ձերբակալվել է Ալկանարում։
