Մելբուրնի բնակչուհին երեք ահաբեկչական հարձակումների ականատես է դարձել՝ Փարիզում, Լոնդոնում եւ Բարսելոնում։ Այս մասին հաղորդում է Gazeta-ն՝ վկայակոչելով Independent-ը։
26-ամյա Ջուլիա Մոնակոն այս տարվա հունիսին Լոնդոնի կամրջի վրա էր՝ Մեծ Բրիտանիայի մայրաքաղաքում ողբերգության օրը։ Նա եղել է նաեւ Փարիզում՝ Նոթր Դամ տաճարի մերձակայքում, երբ տղամարդը հարձակվել է ոստիկանի վրա։ Այդ երկրների ոտսիկանությունները տվյալ միջադեպերն ահաբեկչություն են համարում։
Պարբերականը գրում է, որ օգոստոսի 17-ին, երբ Բարսելոնում բեռնատարը վրաերթի է ենթարկել մարդկանց, աղջիկը եղել է Ռամբլա փողոցում գտնվող խանութներից մեկում։ Նա ասել է, որ «իրենց հանկարծակի խանութում փակեցին եւ ասացին, որ պառկեն հատակին՝ պատուհաներից հեռու»։