Չինաստանի հարավ- արեւմուտքում Բեյհայ քաղաքում մոպեդի վարորդը հսկայական փոսի մեջ է ընկել, որը դրանից վայրկյաններ առաջ էր գոյացել։ Այս մասին հայտնում է South China Morning Post թերթը։

Ասֆալտը փլվել էր հետիոտնային անցման մասում։ Գոյացել է գրեթե 10 մ լայնության ու երկու մետր խորության փոս։ Մի քանի վայրկյան անց փոսի մեջ է գլորվել այդ ճանապարհով անցնող սքութերը։ Վարորդը չի նկատելփոսը, քանի որ նայում էր բջջային հեռախոսին։ Վարորդը կարողացել է ինքնուրույն դուրս գալ փոսից, նա աննշան վնասվածքներ է ստացել։ Պատահարից հետո ոստիկանները ճանապարհի այդ հատվածը ցանկապատել են։

Չինաստանի իշխանությունները դեռ չեն հայտնել ասֆալտի փլման պատճառը։ Չինաստանի ճանապարհներին հաճախ են նման փոսեր առաջանում։ Պատճառն այն է, որ վերանորոգման աշխատանքների ժամանակ ասֆալտի տակ հողի շերտերը տեղաշարժվում են։