Բարսելոնում ահաբեկչությունից հետո Հայաստանից զբոսաշրջիկների հոսքը չի նվազել, ավիատոմսերի գները եւս չեն նվազել։ Այս մասին օգոստոսի 22-ին լրագրողների հետ հանդիպման ժամանակ ասաց զբոսաշրջության հարցերով փորձագետ Մարինե Ավետիսյանը։
Եգիպտոսում ահաբեչության հետ կապված եւս, նրա խոսքով, Հայաստանից զբոսաշրջային հոսք չի նվազել, այլ հակառակը, ավելացել է։
«Մեր օրերում պակասում է տեղեկատվությունը։ Ահաբեկչության դեպքում մեր զբոսաշրջիկները կապվում են մեզ հետ, իսկ մենք նրանց ուղղորդում ենք հյուպատոսարանների կամ դեսպանատների թեժ գծեր, որոնք գործում են տվյալ երկրում։ Բայց նրանք միշտ չէ, որ լավ են աշխատում, չկան հասանելի հեռախոսահամարներ, որպեսզի զբոսաշրջիկները կարողանան անմիջապես կապվել հյուպատոսարանի կամ դեսպանատան հետ»,-նկատեց Մարինե Ավետիսյանը։
