Կատալոնիայում ահաբեկչություններին մասնակցելու մեջ կասկածվող բոլոր 4 ձերբակալվածները հարձակումների համար մեղադրում են իմամ Աբդելբաքի աս-Սաթիին: Այս մասին հայտնում է El Pais պարբերականը:
Պարբերականի տեղեկություններով՝ կասկածյաներից մեկը նաեւ պնդել է, որ իմամը պատրաստվում էր ինքնազոհաբերվել: Աս-Սաթին զոհվել է օգոստոսի 17-ի գիշերը Ալկանարում շենքում տեղի ունեցած պայթյունի հետեւանքով, որտեղ ահաբեկիչների որջն էր: Ենթադրվոմ է, որ հենց իմամն է զբաղվել ահաբեկչության ծրագրի մշակմամբ: