Այս տարեսկզբից նիգերիացի ահաբեկիչները ավելի քան 80 երեխայի որպես մահապարտ են օգտագործել: ՅՈւՆԻՍԵՖ-ի տվյալները ներկայացրել է ՄԱԿ գլխավոր քարտուղարի պաշտոնական ներկայացուցիչ Ստեֆան Դյուժարիկը, հայտնում է «Ռոսբալտը»:
«2017 թվականի սկզբից 83 երեխա օգտագործվել է պայթյուններ իրագործելու համար, այդ թվում՝ 55 աղջիկ, որոնց մեծ մասը 15 տարեկան չկար»,- նշել է Դյուժարիկը:
Մոտ 8 տարի դիմակայությունը շարունակվում է Նիգերիայի բանակի եւ «Բոկո Հարամ»-ի գրոհայինների միջեւ, որոնք «Իսլամական պետություն» ահաբեկչական խմբավորմանը հավատարմության երդում են տվել: Մարտերի հետեւանքով առնվազն 2 մլն մարդիկ իրենց տները լքել են, գրեթե 7 մլն մարդ հումանիտար օգնության կարիք ունի:
