Իսպանիայի դատարանը որոշում է ընդունել չարգելափակել օգոստոսի 17-ին Կատալոնիայում ահաբեկչությունների իրագործման գլխավոր կասկածյալներից մեկին: Այս մասին հայտնում է El Pais պարբերականը:
Դատավորը որոշել է Մոհամմեդ Ալյային չարգելափակել եւ գրավով ազատել, կասկածյալներից Սալահ էլ Քարիբը ձերբակալված կմնա եւս 72 ժամ՝ ազգային դատարանի պահանջով մինչեւ հետագա որոշումը: Մյուս 2 կասկածյալները՝ Դրիսա Օուքաբիրը եւ Մոհամմեդ Հուլի Քեմլյալը, դատարանի որոշմամբ կալանավորվել են:
Երեքշաբթի իսպանական դատարան հարցաքննության էին բերվել անցյալ շաբաթ Կատալոնիայում իրագործված ահաբեկչությունների գործով 4 գլխավոր կասկածյալները: Հարցաքննության շրջանակում կասկածյալները հաստատել են այն փաստը, որ նախապես ծրագրել էին մի շարք ահաբեկչություններ կատարել Բարսելոնի հայտնի վայրերում, մասնավորապես՝ Սագրադա Ֆամիլիա տաճարում: Մեղադրյալներին մեղադրանք է առաջադրվել 4 կետով՝ ահաբեկչական խմբավորմանը անդամակցություն, սպանությունների կատարում, վնասի պատճառում, ինչպես նաեւ պայթուցիկ նյութեր պահելու մեղադրանք:
