Մասիսում օգոստոսի 20-ին կողոպուտ էր կատարվել. Տուժողը կին էր, ինչ-որ մեկը երկրորդ փողոցում հետեւել էր, հարմար պահի ձեռքից հափշտակել դրամապանակն ու փախել: Դեպքն օրը ցերեկով էր եղել, ժամը 13-ի սահմաններում:
Տուժողն անմիջապես դիմել էր ոստիկանության Մասիսի բաժին. «Րոպեներ առաջ փախավ: Երիտասարդ էր, բարձրահասակ ու ամրակազմ»,-պատմել է նա՝ հավելելով, որ դրամապանակում եղել է հեռախոս, ոսկյա վզնոց եւ փող:
Իրավապահները Մասիս քաղաքի 4-րդ փողոցում հայտնաբերել են կասկածյալին եւ բերման ենթարկել ոստիկանության բաժին: Պարզվել է, որ նա Երեւանի Հարավարեւմտյան Բ-2 թաղամասի բնակիչ Նարեկ Ա.-ն է:
Փաստի առթիվ քրեական գործ է հարուցվել: