ԵՄ-Ադրբեջան համագործակցության խորհուրդը կկենտրոնանա Եվրոպական հարեւանության քաղաքականության գործունեության ծրագրի իրականացման արագացման վրա: Այդ մասին որոշումն ընդունվել է Խորհրդի 11-րդ նիստում:
Կողմերը քննարկել են ԵՄ-Ադրբեջան հարաբերությունները Առեւտրի համաշխարհային կազմակերպությանն Ադրբեջանի անդամակցության հարցը:
Եվրամիությունը որոշում է կայացրել աջակցել Ադրբեջանի ժողովրդավարական հաստատությունների հետագա զարգացմանը:
Խորհուրդը քննարկել է նաեւ ղարաբաղյան հակամարտության ներկա փուլը: ԵՄ-ն երախտագիտություն է հայտնել Հայաստանի եւ Ադրբեջանի միջեւ մշտական երկխոսության համար՝ ողջունելով ԵԱՀԿ Մինսկի խմբի համանախագահող երկրների եւ Հայաստանի ու Ադրբեջանի ղեկավարների՝ Աստանայում ընդունած հայտարարությունը:
Ադրբեջանական պատվիրակությունը ղեկավարել է փոխարտգործնախարար Մահմուդ Մամեդկուլիեւը, ԵՄ-ինը՝ Հունգարիայի ԱԳ պետնախարար Ժոլտ Նեմեետն ու ԵՄ-ի ընդլայնման հարցերով հանձնակատար Շտեֆան Ֆյուլեն:
