iOS 11 նախաթողարկային տարբերակում անկախ մշակողները գտել են նոր մանրամասներ iPhone-ի մասին, հայտնում է 9to5mac-ը։
Դատելով տեղեկություններից՝ Apple –ը կներկայացնի սմարթֆոնների երեք մոդելներ՝ iPhone 8, 8 Plus ու X-ը։ Առաջին երկու սարքերը շատ չեն տարբերվելու iPhone 7 –ից՝ դրանք կունենան նոր «երկաթ», ապակու կորպուս ու անլար լիցքավորման հնարավորություն։
Երրորդ մոդելը՝ iPhone X-ը, կունենա նոր դիզայն՝ անշրջանակ 5․8 դյույմանոց OLED-դիսփլեյներով։ Սմարթֆոնը կզրկվի մատնահետքերի սկաներով Home կոճակից, փոխարենը կստանա դեմքի սկաներ։ Դրա օգնությամբ հնարավոր կլինի վճարում կատարել Apple Pay –ի միջոցով ու արգելափակել սարքավորումը։
Բացի այդ՝ հեռախոսներն ունեն վեց միջուկով Apple A11 պրոցեսոր՝ բարձր էներգաարդյունավետությամբ։ Դրանք նաեւ կունենան 4К-տեսաձայնագրության աջակցությունը՝ 60 fps կադրերի հաճախությամբ ու FullHD-վիդեո՝ 240 fps հաճախությամբ։
Նոր iPhone –ներից բացի՝ մամուլի ասուլիսի ժամանակ ծրագրվում է Apple Watch նոր ժամացույցների, Apple TV-ի ու HDR-ի շնորհանդես, նաեւ iOS 11-ի մասին ավելի մանրակրկիտ տեղեկատվությունների ներկայացում։