Անցած գիշեր Մեծ Բրիտանիայում երկրորդ ընթերցմամբ օրինագիծ է ընդունվել համաեվրոպական օրենսդրության չեղարկման մասին:
ՏԱՍՍ-ը հայտնում է, որ կառավարության ներկայացրած օրինագծին, որը ԵՄ օրենքները ներբրիտանականով կվերափոխի այն ժամանակ, երբ երկիրը 2019 թվականի մարտին ԵՄ կազմից դուրս գա, կողմ է քվեարկել Համայնքների պալատի 326 անդամ: Դեմ է արտահայտվել ստորին պալատի 290 անդամ: Քվեարկության արդյունքները Brexit-ի շրջանակում առաջին լուրջ օրենսդրական թեստն են: