Apple-ը բացատրել է, թե ինչու iPhone X -ի պրեզենտացիայի ժամանակ չի հաջողվել առաջին իսկ փորձից արգելաբացել սմարթֆոնը «դեմքի սկաներ» ֆունկցիայի օգնությամբ։
Կորպորացիայի ներկյացուցչի խոսքով՝ Face ID ֆունկցիան ճիշտ է աշխատել։ Ընկերության ԾԱ հարցերով փոխնախագահ Քրեյգ Ֆեդերիգին չի կարողացել արգելաբացել սմարթֆոնը՝ անվտանգության համակարգի աշխատանքի առանձնահատկությունների պատճառով։ Եվ այսպես դեմքը սկանավորելու երկու անհաջող փորձերից հետո սմարթֆոնը պահանջում է պին- կոդ մուտքագրել։
«Պրեզենտացիայի նախապատրաստման ժամանակ Face ID-ն փորձարկել էին մի քանի աշխատողների վրա։ Մի քանի անհաջող փորձից հետո համակարգն արել էր այն, ինչ պիտի աներ՝ պահանջել էր պին- կոդ մուտքագրել»,- պատմել է լրագրող Դեւիդ Փոգը ընկերության աշխատակցի հետ զրուցելուց հետո։
Նոր սմարթֆոնի ցուցադրության ժամանակ Ֆեդերիգին չէր կարողացել դեմքի սկաների օգնությամբ միանգամից արգելաբացել հեռախոսը ու շտապել էր ուրիշ հեռախոսի վրա ցուցադրել այդ ֆունկցիան։ Այդ միջադեպից հետո սոցցանցերում բուռն շահարկումներ էին սկսվել Face ID նոր ֆունկցիայի տապալման մասին։