Հոկտեմբերին Հայաստանի տարածքում կանցկացվեն ՀԱՊԿ ՕԱՀՈՒ-երի զորավարժությունները։ Այս մասին հայտնել է ՀԱՊԿ գլխավոր քարտուղարի տեղակալ Վալերի Սեմերիկովը։
«Փոխգործակցություն զորավարժությունները կանցկացվեն Հայաստանի տարածքում հոկտեմբերի 10-13-ը օպերատիվ արձագանքման հավաքական ուժերի հետ համատեղ։ Այդ ցիկլը կավարտվի Ղազախստանի տարածքում զորավարժություններով»,- ասել է Սեմերիկովը, փոխանցւոմ է ՏԱՍՍ-ը։
Նա ուշադրություն է հրավիրել այն հանգամանքին, որ այդ զորավարժությունները պլանային են եւ հաստատված են եղել օպերատիվ մարտական նախապատրաստման համատեղ միջոցառումներով։ Սեմերիկովը հավելել է, որ զորավարժությունները կապակցված չեն արտաքին քաղաքական իրավիճակի հետ։
