Իտալական Ferrari ընկերությունը Ֆրանկֆուրտի ավտոսրահում ներկայացրել է 488 Spider սպորտքարը, որը նվիրված է 1954 թվականի մոդելին:
Հատուկ մոդիֆիկացիան գործարանի ստորաբաժանումում ստեղծել են ըստ Tailor Made ավտոմեքենաների անհատականացման՝ ի պատիվ Ferrari 500 Mondial Spider-ի, որը ժամանակին պատկանել է դոմինիկացի դիվանագետ եւ ավտոարշավորդ Պորֆիրիո Ռուբիրոզին, հայտնում է «Կոմերսանտը»:
Նոր Spider-ը կապույտ գույնով է ներկված, ծածկի վրա կոնտրաստային շերտագծեր կան, իսկ դռան վրա՝ 235 համարը: Մեքենան զարդարել են նաեւ իտալական մակնիշի ֆիրմային պիտակներով եւ լոգոտիպով՝ ի պատիվ ապրանքանիշի 70-ամյակի: Նստատեղերը կարմիր կաշվից են, իսկ ինտերիերի պաստառը կապույտ թելով է դարձակարված:
Սպորտքարը տեխնիկապես չի փոխվել՝ ունի 3,9-լիտրանոց V8 տուրբոշարժիչ՝ 670 ձիաուժ հզորությամբ, 7-աստիճանի փոխանցման տուփով: