ԱՄՆ պետքարտուղար Ռեքս Թիլերսոնը Ռուսաստանին մեղադրել է հարեւանների վրա ճնշում գործադրելու ու ամերիկյան ընտրություններին միջամտելու մեջ։ Այս մասին հայտնել է ԱՄՆ ԱԳ ղեկավարը սեպտեմբերի 15-ին իր ելույթի ժամանակ։
«Ռուսաստանի նման երկրները սպառնում են իրենց ժողովրդավարական հարեւաններին՝ հարձակվելով ժողովրդավարության հիմքերի վրա, նաեւ միջամտելով մեր ազատ ու արդար ընտրություններին»,- ասել է Թիլերսոնը։ Նա հավելել է, որ ԱՄՆ-ն աջակցելու է իր ժողովրդավարական գործընկերներին եւ միասին պաշտպանելու են ժողովրդավարությունն արտաքին միջամտություններից։