Դոնբասի ամբողջ տարածքը պետք է հասանելի լինի ՄԱԿ խաղաղապահներին։
Խաղաղապահների տեղակայումը հետաքրքիր գաղափար է, բայց այն չի չեղարկում Ռուսաստանի դեմ պատժամիջոցները։ Այս մասին հայտարարել է Գերմանիայի կանցլեր Անգելա Մերկելը, հաղորդում է «ՌԻԱՆովոստի»–ն։
Նրա խոսքով՝ ՄԱԿ խաղաղապահներին պետք է հասանելի լինեն այն վայրերը, որտեղ տեղակայված է ԵԱՀԿ–ն, այսինք՝ Դոնեցկի և Լուգանսկի տարածաշրջանում։ Մերկելը նաև նշել է, որ անհրաժեշտ է շարունակել աշխատանքներն այդ ուղղությամբ։ «Բայց դրանք ծիլեր են, որոնք դեռ պատճառ չեն պատժամիջոցների թուլացման համար»,– ավելացրել է Մերկելը՝ հիշեցնելով, որ ավելի վաղ Ռուսաստանի նախագահ Վլադիմիր Պուտինի հետ քննարկել է խաղաղապահների հարցը։