Հայաստանի եւ Ադրբեջանի արտգործնախարարների առաջիկա հանդիպումից ոչ մի սպասելիք չկա։ Այս մասին սեպտեմբերի 16–ին՝ լրագրողների հետ հանդիպման ժամանակ, ասել է Ազգային ժողովի նախկին պատգամավոր, Մարդկային զարգացման միջազգային կենտրոնի գործադիր տնօրեն Թեւան Պողոսյանը։
Դրա հետ մեկտեղ, փորձագետը նշել է, որ կողմերը պարտավոր են օգտագործել բոլոր հնարավորությունները ղարաբաղյան հակամարտության կարգավորման համար։
«Հուսանք, որ բանակցությունների թեման կլինի այն պայմանավորվածությունների իրականացումը, որոնց հասել էին Վիեննայում եւ Սանկտ Պետերբուրգում»,– ընդգծել է նախկին պատգամավորը։
Այս ամենից զատ, Պողոսյանը նաեւ նշել է, որ հայկական կողմն ուղղակի պարտավոր է սկսել գիտության, էկոնոմիկայի եւ բանակի ակտիվ զարգացումը, եւ միշտ պետք է գիտակցի, որ պատերազմը դեռ ավարտված չէ։
