Չարժի, որ Եվրամիությունը կտրուկ հայտարարություններ անի միությանը Թուրքիայի անդամակցության վերաբերյալ եւ մասնավորապես պնդի, որ երկիրը երբեք չի դառնա ԵՄ անդամ: Այս մասին հայտարարել է ՆԱՏՕ-ի գլխավոր քարտուղարի՝ հանրային դիվանգիտության հարցերով օգնական Թաչան Իլդեմը, փոխանցում է «ՌԻԱ Նովոստի»-ն:
Նա նման կարծիք է հայտնել YES դիտորդական խորհրդի ամենամյա հանդիպման ժամանակ ելույթ ունենալիս:
«Անչափ կարեւոր է այն փաստի ընդունումը, որ երբ երկիրը ձգտում է միանալ եվրատլանտյան եւ եվրոպական կառույցներին, պետք է պահպանվի հեռանկարը եւ ժամանակի խելամիտ շրջանակները»,- նշել է նա:
Իլդեմը նաեւ ասել է, որ երկում աճում է դժգոհությունը եւ հիասթափությունը՝ պայմանավորված ԵՄ-ին Թուրքիայի անդամակցության բանակցությունների դանդաղ ընթացքով: