Հանրապետության հրապարակից այսօր՝ սեպտեմբերի 19-ի առավոտյան, Կենտրոնի ոստիկանության բաժին բերման ենթարկված Կարո Եղնուկյանի երեխաներն ու կինը շարունակում են մնալ ոստիկանությունում: NEWS.am-ին ոստիկանության մամուլի ծառայությունից տեղեկացրին, որ այս պահի դրությամբ նրանց փաստաբանի մասնակցությամբ կատարվում են գործողություններ: Թե ինչու են նրանք բերման ենթարկվել, ոստիկանությունից չմանրամասնեցին՝ նշելով, որ նրանք բերման են ենթարկվել «կոնկրետ» ահազանգով:
Նշենք, որ «Հիմնադիր խորհրդարանի» քարտուղարությունը տեղեկացրել էր, որ Կարո Եղնուկյանի երեխաները՝ Հակոբ, Սիմե, Էլմոն Եղնուկյանները, եւ Հայ կանանց ճակատի անդամներ Ռուզաննա Եղնուկյանը, Աղավնի Սահակյանը եւ Գեղեցիկ Տոնոյանն այսօր Հանրապետության հրապարակից բերման են ենթարկվել:
Նրանց բերման են ենթարկել հրապարակում Հայաստան-Սփյուռք համաժողովի մասնակիցների ներկայությամբ Ժիրայր Սեֆիլյանի եւ Կարո Եղնուկյանի մասին պաստառներով թռուցիկներ բաժանելիս։
