Իրաքի Քիրքուք քաղաքում որոտացել է հերթական պայթյունը, հայտնում է Դաշնային լրատվական գործակալությունը: Քրդական աշխարհազորային փեշմարգայի հրամանատարությունը հայտնում է, որ Քիրքուք բնակավայրում նոր պայթյուն է հնչել:
Զինվորականների տվյալներով՝ Իրաքյան Քուրդիստան նահանգի վարչական կենտրոնում պայթել է ական, որն ամրացված է եղել քաղաքացիական ավտոմեքենայի: Զոհերի մասին տեղեկություններ չկան: Սակայն տվյալ պահին ահաբեկչական կազմակերպություններից ոչ մեկն իր վրա պատասխանատվություն չի վերցրել ահաբեկչության համար:
Ավելի վաղ նշվում էր, որ շաբաթ օրը Քիրքուք քաղաքի Ադանա կենտրոնական շրջանում պայթել է ականապատ մեքենա: Պայթյունի ժամանակ զոհվել է մեկ խաղաղ բնակիչ, տասը մարդ ստացել է վնասվածքներ: Այս միջադեպերը քրդերը կապում են Բաղդադի և Էրբիլի միջև սկսված քաղաքական լարվածության հետ՝ կապված Իրաքյան Քուրդիստանի անկախության հանրաքվեի հետ:
