Անհայտ անձինք, կոտրելով դռները, ներխուժել են Շոբրա ալ Խեյմայի շրջանում գտնվող եգիպտական առաջնորդ Մուհամմեդ Ալիի պատմական պալատ։ «ՌԻԱ Նովոստին» հաղորդում է, որ այս մասին հաղորդագրություն է տարածել Եգիպտոսի հնությունների նախարարությունը։ Պալատի աշխատակիցները, երեքշաբթի առավոտյան բացելով թանգարանի դռները, նկատել են, որ կոտրված են պահակասենյակի, ինչպես նաեւ այլ սենյակների դռները։ Բացի այդ պահակասենյակից գողացել էին պալատի մի քանի սրահների բանալիներ։ Սենյակների նախնական հետախուզման ժամանակ արժեքավոր ցուցանմուշների կորուստ չի արձանագրվել։
Ստեղծվել է հատուկ հանձնաժողով, որը կանցկացնի պալատի գույքի ցուցակագրում։ Հետաքննությանն է միացել նաեւ Եգիպտոսի տուրիզմի ոստիկանության գլխավոր դատախազությունը։
