Գերմանիայի կառավարությունը մտադիր է հոկտեմբերին Թուրքիային 78,7 մլն եվրո վճարել միգրացիայի համաձայնագրի շրջանակում, հայտնում է Bild-ը՝ վկայակոչելով «Կանաչների» խորհրդարանական հարցմանը կառավարության պատասխանը:
«Դաշնային կառավարությունը հոկտեմբերին պատրաստվում է Թուրքիային եւս 78,7 մլն եվրո վճարել փախստականների վերաբերյալ գործարքի շրջանակում»,- հայտնում է պարբերականը:
Նշվում է, որ այսպիսով, այս համաձայնագրով Անկարային գերմանական վճարումների գումարը կհասնի մինչեւ 314,6 մլն եվրոյի: Եվրամիությունն ընդհանուր Թուրքիային պետք է վճարի 3 մլրդ եվրո: Գերմանիայի վճարումների ընդհանուր գումարը պետք է 427,5 մլն եվրո կազմի:
Անկարայի եւ Բրյուսելի միջեւ համաձայնագիրը կնքվել է 2016 թվականի մարտին եւ ուղղված էր Եվրոպա փախստականների անվերահսկելի տեղափոխման դեմ պայքարին: