Կատալոնիայի առաջնորդ Կարլես Պուջեդեմթոնը հայտնել է, որ անկախացման մասին հանրաքվեն կկայանա, չնայած այն արգելելու մասին դատավճռին, հայտնում է Reuters-ը։
«Մենք կանենք դա, քան որ անկանխատեսելի հանգամանքների համար գործողությունների ծրագրեր ունենք, որպեսզի հանրաքվեն կայանա, բայց նախեւառաջ որովհետեւ մենք ունենք բնակչության ճնշող մեծամասնության աջակցությունը, որին հոգնեցրել է Ժողովրդական կուսակցության կառավարության մեծամտությունը»,- ասել է նա։
Մարիանո Ռախոյի կառավարությունը, նաեւ Իսպանիայի հիմնական ընդդիմադիր կուսակցություններն անկախացման մասին հանրաքվեն կոչել են ապօրինի ու երկրի Սահմանադրությանը հակասող։