Շանթ Հարությունյանի և մյուսների գործով 4 տարի 6 ամսվա ազատազրկման դատապարտված Հայկ Հարությունյանը նախօրեին պայմանական վաղաժամկետ ազատ է արձակվել: Այս տեղեկությունը NEWS.am-ի հետ զրույցում հաստատեց ՔԿՎ հանրային կապերի բաժնից:
Հիշեցնենք, որ Հայկ Հարությունյանը գրեթե 4 տարի անազատության մեջ էր:
Ավելի վաղ հայտնել էինք, որ «Ազգային միացյալ նախաձեռնության» ղեկավար Շանթ Հարությունյանը 2013թ. նոյեմբերի 5-ին իր մոտ հարյուր աջակիցների հետ Գայ Ֆոքսի դիմակներով «Անոնիմուսների երթ» էր սկսել Ազատության հրապարակից։ Ոստիկանները Մաշտոցի պողոտայում կասեցրել էին երթը, տեղի էին ունեցել բախումներ, հնչել էին պայթյուններ, ոստիկանները բերման էին ենթարկել 38 ակտիվիստների։ Բախումների հետեւանքով տուժել էր 16 մարդ, այդ թվում` ութ ոստիկան: Հարուցված քրեական գործի շրջանակում մեղադրանք էր առաջադրվել 13 մարդու։
