ԱՄՆ նախագահ Դոնալդ Թրամփը ցանկանում է խուսափել Հյուսիսային Կորեայի հետ միջուկային պատերազմից, եւ «մենք հնարավոր ամեն ինչ անում ենք հակամարտությունից խուսափելու համար»: Այս մասին հայտարարել է ԱՄՆ ֆինանսների նախարար Սթիվ Մնուչինը:
«Կարող եմ հավաստիացնել, որ նախագահի թիվ մեկ առաջնահերթությունը ամերիկացի ժողովրդի եւ մեր դաշնակիցների անվտանգությունն է: Նախագահը միջուկային պատերազմ չի ցանկանում, եւ մենք ամեն ինչ անում ենք, որպեսզի դա տեղի չունենա»,- ABCNews-ի հետ հարցազրույցում ասել է Մնուչինը: