Հրազդան քաղաքին հարակից խոտածածկ տարածքում բռնկված հրդեհը անտառներին չի սպառնում։ Ժամը 21:00-ի դրությամբ սահմանվել է հերթապահություն, որն իրականացնում է 8 հրշեջ-փրկարար և 2 օժանդակ տեխնիկա: Այս մասին հայտնում է ՀՀ արտակարգ իրավիճակների նախարարությունը։

Հիշեցնենք, որ սեպտեմբերի 22-ին, ժամը 06:28-ին ահազանգ էր ստացվել, որ Կոտայքի մարզի Հրազդան քաղաքի Կաքավաձոր թաղամասին հարակից սարում հրդեհ է բռնկվել: