Phantom Squad շորթողների խումբը զանգվածային DDoS հարձակմամբ է սպառնում հազարավոր ընկերությունների, որոնք չեն հասցնի նշված ժամկետում փրկագին վճարել, հայտնում է Bleeping Computer-ը:
Փրկագնի պահանջով էլեկտրոնային նամակները հայտնաբերել է կիբերանվտանգության մասնագետ Դերիք Ֆարմերը: Ուղերձը պարզ տեքստ ունի՝ հեղինակներին 0,2 բիթքոին (մոտ 720 դոլար) վճարելու պահանջով կամ պատրաստվելով այն բանին, որ սեպտեմբերի 30-ին իրենց կայքը կապից դուրս կլինի:
Նշվում է, որ ցանցահենները ընկերությունների փոստերը տառացիորեն հեղեղել են գումարի պահանջով սփամով: Մասնագետները կարծում են, որ Phantom Squad խումբը բավարար հզորություն չունի DDoS հարձակումների միաժամանակյա գործարկման համար, որոնք նախատեսված են նման քանակությամբ թիրախների համար: Փորձագետների կարծիքով՝ խարդախները վախեցնում են խոշորագույն ընկերություններին:
Radware ընկերության հետազոտող Դանիել Սմիթը նշել է, որ հայտարարության տեքստը գրեթե նման է այն տեքստին, որը շորթողների խումբն օգտագործվել էր 2017 թվականի հունիսին, որը ներկայացել էր հայտնի ցանցահենային խմբավորում Armada Collective-ի անունով: Այդ ժամանակ կեղծ ցանցահենները բավարարվել էին փուչ սպառնալիքներով, սակայն, այնուամենայնիվ, որոշ ընկերություններից փրկագին ստացել էին: Phantom Squad-ի ձեռագիրն ավելի շատ նման է ընդօրինակող խարդախներին: