Եվրամիությունը պատրաստ է շարունակել Վարշավայի հետ բանակցությունները Լեհաստանի դատական բարեփոխումների վերաբերյալ, որոնք խիստքննադատության են արժանացել: Այս մասին սեպտեմբերի 25-ին՝ Բրյուսելում Եվրամիության երկրների նախարարների խորհրդի նիստի ավարտից հետո հայտարարել է Էստոնիայի փոխարտգործնախարար Մատի Մասիկասը:
Նա ավելացրել է, որ Եվրահանձնաժողովը պատրաստ է սկսել ԵՄ Խորհրդում երկրին քվեարկելու իրավունքից զրկելու գործընթացը, եթե Լեհաստանում սկսվեն դատարանների նախագահների փոփոխություններ կամ պաշտոնանկություններ, հաղորդում է DW.
ԵՄ հարցերով Լեհաստանի նախարար Կոնրադ Շիմանսկին իր հերթին զգուշացրել է Բրյուսելին, թե ինչ հետեւանքների կարող է հանգեցնել նման քայլը:
«Դա խելամիտ չէ: Եվրահանձնաժողովը պետք է պատասխանատու լինի իր գործողությունների, ինչպես նաեւ ԵՄ տիրող մթնոլորտի համար», - ասել է Շիմանսկին: Ի պատասխան՝ Հանձնաժողովի նախագահի առաջին տեղայկալ Ֆրանս Թիմերմանսը ասել է, որ հարցը լուծելու Եվրահանձնաժողովի փորձը վայելում է ԵՄ երկրների «լայն աջակցությունը»:
Բրյուսելի եւ Լեհաստանի ազգային-պահպանողական կառավարության միջեւ դատական բարեփոխումների վերաբերյալ կոնֆլիկտը շուրջ 2016 թվականից է սկսվել:
