Ֆիլիպինների նախագահ Ռոդրիգո Դուտերտեի նստավայրի մոտ տեղի ունեցած հրաձգության հետեւանքով զոհվել է նրա թիկնապահներից մեկը: Այս մասին հայտնում է Reuters-ը՝ վկայակոչելով երկրի նախագահի անվտանգության ծառայությանը:
Միջադեպը տեղի է ունեցել Մանիլայի Մալականանգ այգում: Զոհված թիկնապահը հրազենային վիրավորում էր ստացել որովայնի շրջանում: Սակայն չի հաղորդվում, թե ով է կրակ բացել:
Նշվում է, որ հրաձգության պահին Դուտերտեն նստավայրում չի եղել, սակայն նրան արդեն տեղեկացրել են կատարվածի մասին, փոխանցում է Gazeta-ն: