News
Լրահոս
News
Երեքշաբթի
Հոկտեմբեր 24
Տեսնել լրահոսը

ՄԱԿ գլխավոր քարտուղար Անտոնիու Գուտերեշը նորից դատապարտել է Հյուսիսային Կորեայի միջուկային փորձարկումները։ Ելույթ ունենալով Միջուկային զենքի դեմ պայքարին նվիրված նիստի ժամանակ՝ նա կոչ է արել աշխարհն ազատել այդ զանգվածային ոչնչացման զենքից, հանդիմանելով միջուկային պետություններին իրենց զինանոցի արդիականցման մեջ։

Գուտերեշը Փհենյանին կոչ է արել դադարեցնել ապօրինի գործողությունները, իսկ միջազգային համայնքին՝ ապահովել ԿԺԴՀ-ի միջուկային ծրագրի հետ կապված խնդրի կարգավորումը խաղաղ ճանապարհով։ «Ես ընդունում եմ միջուկային պետությունների՝ հատկապես Ռուսաստանի ու ԱՄՆ-ի զգալի ջանքերը՝ իրենց զինանոցի կրճատման ու անվտանգության ոլորտում միջուկային զենքի դերակատարման նվազեցման ուղղությամբ»- ասել է ՄԱԿ-ի ղեկավարը։ Միաժամանակ, նրա խոսքով, այսօր կան սպառազինությունների արդիականացման թանկարժեք ծրագրեր, ինչը բարդացնում է զինաթափման ոլորտում առաջընթացը։

Նա նշել է, որ ՄԱԿ երկրների շրջանում խորը տարաձայնություններ կան միջուկային զինաթափման ոլորտում։ Գուտերեշը նկատել է, որ վերջին երկու տասնամյակներում Զինաթափման հարցերով համաժողովի մասնակիցներին չի հաջողվել դուրս գալ փակուղուց։ Նա հույս է հայտնել, որ միջուկային զենքի արգելման մասին նոր պայմանագիրը կարեւոր ավանդ կունենա աշխարհն այդ զենքից ազատելու գործում։ «Միջուկային զենքից ազատ աշխարհն է գլոբալ նպատակը, որը գլոբալ գործողություններ է պահանջում։ ՄԱԿ-ը պատրաստ է աշխատել բոլոր երկրների հետ՝ այդ նպատակին հասնելու համար»,- շեշտել է Գուտերեշը։ 

!
Այս նյութը հասանելի է նաև   Русский
Տպել
Կարդացեք նաև
Ամբողջ
Ռուսաստանի ԱԳՆ-ն Իրանի հարցով Թրամփի դիրքորոշումն անպատասխանատու է համարում
Վաշինգթոնը համաշխարհային անվտանգության ու կայունության հարցերը հերթական անգամ դարձրել է որոշակի կոնյուկտուրային գործընթացների պատանդը․․․
Արակչի․ Իրանը ոչ մի հանգամանքներում միջուկային զենք չի մշակի կամ ձեռք բերի
Դա Իրանի մշտական, անժամկետ պարտավորությունն է, որը նա ստանձնել է Համատեղ գործողությունների համընգրկուն ծրագրի շրջանակում․․․
Եվրամիությունը հավատարիմ է մնում Իրանի միջուկային ծրագրին. Մակրոն
Եվրոպայի խորհուրդը հաստատել է, որ բոլոր եվրոպացիները հավատարիմ են Իրանի միջուկային գործարքին…
ԱՄՆ–ը մտադիր չէ տապալել Իրանի հետ եվրոպացիների գործնական համաձայնագրերը. Թիլերսոն
Ավելի վաղ ԱՄՆ նախագահ Դոնալդ Թրամփը հայտարարել էր, որ անվավեր է ճանաչելու…
Ռուսաստանը հնարավոր չի համարում Իրանի նկատմամբ ՄԱԿ ԱԽ պատժամիջոցների վերականգնումը
Մոսկվայում սպառազինությունների չտարածմանը նվիրված գիտաժողովի ժամանակ ելույթ ունենալիս…
Իրանի ԱԳՆ. Թեհրանը կհակազդի, եթե որեւէ մեկը խախտի միջուկային ծրագրի գործարքը
Իրանը շարունակում է աջակցել իր միջուկային ծրագրի գործողությունների համատեղ եւ համապարփակ պլանին…
Ամենաշատ
Partner news