ԱՄՆ նախագահ Դոնալդ Թրամփը կոչ է արել ԵՄ-ին պատժամիջոցներ սահմանել Վենեսուելայի նախագահ Նիկոլաս Մադուրոյի կառավարության դեմ, փոխանցում է Reuters-ը։
«Մենք հույս ունենք, որ ԵՄ-ում մեր բարեկամները շուտով կհետեւեն ԱՄՆ-ի, Կանադայի ու բազմաթիվ լատինաամերիկյան երկրների օրինակին Մադուրոյի դեմ պատժամիջոցներ սահմանելու հարցում։ Մեզ պետք են բոլորը»,- ասել է Թրամփը Սպիտակ տանը Իսպանիայի վարչապետ Մարիանո Ռախոյի հետ մամուլի ասուլիսի ժամանակ։
«Վենեսուելայի քաղաքացիները հսկայական տառապանքների միջով են անցել՝ աղքատություն, սով ու վտանգավոր քաղաքական հուզումներ՝ Մադուրոյի ռեպրեսիվ սոցիալիստական վարչակազմի պայմաններում»,- ասել է նա։
